Himnesk sjávarréttasúpa
(Sigríður Friðþjófsdóttir)
Gestgjafinn 5.tbl. 2009

Olía til steikingar
2-3 hvítlauksgeirar, marðir
25g karrí

1 lítill laukur, saxaður
2dl súrsæt sósa
½ gul paprika, söxuð
50-60 g sellerí, smátt skorið
50-100 g sveppir, smátt skornir
50 g fennika, smátt skorin
7 ½ dl fiskisoð
½ l rjómi
2 dl þurrt hvítvín eða mysa
½ dós saxaðir tómatar
500 g fiskur (t.d. lax, skötuselur, lúða, skelfiskur, fiskibollur).

Olía er hituð í potti ásamt lauk, hvítlauk og karrí og átið krauma um stund. Súrsæt sósa og grænmeti er bætt út í og þetta er látið malla í 2-3 mín. Fiskisoði, rjóma, tómötunum og hvítvíni bætt saman við og soðið í 5 mín. Fiskurinn er roð- og beinhreinsaður og skorinn í munnbita og settur í súputarínu. Sjóðheitri súpunni er hellt yfir fiskinn og látið bíða í 3-4 mín. Borið fram með góðu brauði.