Gulrótarsúpa Gullu

60 g smjör
750 g gulrætur
1 laukur
1 hvítlauksrif
10 cm engifer
3 sellerístilkar
Salt og pipar
1 l af grænmetissoði
1 msk. hunang
1 lárviðarlauf
125 ml rjómi eða ein dós af sýrðum rjóma.

Ferskt kóríander eða steinselja til skrauts Smjörið er brætt og smátt skorinn laukur, hvítlaukur, engifer, sellerí og gulrætur sett út í smjörið og hitað vel í 20 mínútur eða nógu lengi til að gulræturnar verði mjúkar. Þá er soði bætt út í, hunangi, lárviðarlaufi, salti og pipar og súpan soðin í 10 mínútur eða svo. Þá er lárviðarlaufið fjarlægt og súpan maukuð. Ef vill má á þessum tímapunkti þynna hana aðeins með vatni og bæta svo rjóma út í og hita hana að suðu, bera svo fram með smátt skornu kóríander eða steinselju til skrauts ofan á. Það má einnig sleppa rjómanum en bera hana þess í stað fram með vænni slettu af sýrðum rjóma auk kryddjurta.