1 knippi (eða hnefafylli) af basilíkublöðum
6 msk jómfrúarolía
4 hvítlauksgeirar, saxaðir
nýmalaður pipar
salt
2 laukar, helmingaðir og skornir í sneiðar
2 gulrætur, skornar í þunnar sneiðar
1 fennika, skorin í bita
700 ml vatn
150 g pasta, t.d. slaufur
4-5 tómatar, vel þroskaðir, saxaðir, eða 1 dós niðursoðnir

Basilíkan rifin niður og sett í matvinnsluvél eða blandara ásamt 2 msk af
olíu og 1 hvítlauksgeira. Látið ganga þar til basilíkan er komin í mauk og
kryddað með pipar og salti. Afgangurinn af olíunni settur í pott, laukur,
gulrætur og fennika sett út í og látið krauma við vægan hita í um 5 mínútur
án þess að brúnast. Vatninu hellt yfir, hitað að suðu, pastað sett út í og
látið sjóða í u.þ.b. 10 mínútur, eða þar til pastað og grænmetið er meyrt.
Þá eru tómatarnir settir út í og síðan er hluta af basilíkumaukinu hrært
saman við. Smakkað til með pipar og salti og tekið af hitanum. Borið fram
með góðu brauði og afganginum af basilíkumaukinu, þannig að hver og einn
kryddar eftir sínum smekk.