Rifsberjasósa

400 g rifsber (má nota önnur ber)
100 g hrásykur (eða hvítur sykur)
100 ml vatn, og meira eftir þörfum
1 skalottlaukur, saxaður smátt
nokkrar ræmur af appelsínuberki (aðeins guli börkurinn)
nokkrar timjangreinar
pipar og salt

Taktu um 50 g af berjum frá og hreinsaðu. Settu afganginn í pott ásamt sykri, vatni, lauk, appelsínuberki og timjani, hitaðu að suðu og láttu malla í um 10 mínútur. Helltu öllu í sigti sem sett er yfir skál og pressaðu safann mjög vel úr berjamaukinu. Helltu safanum aftur í pottinn og láttu sjóða áfram þar til hann er farinn að þykkna dálítið.
Settu hreinsuðu berin út í og láttu sjóða í nokkrar mínútur í viðbót. Bættu við vatni ef sósan verður of þykk. Smakkaðu og bragðbættu með pipar og salti eftir smekk.