Spænskt kartöflusalat með túnfiski

500 g kartöflur, gjarna rauðar
2 egg
3 msk ólífuolía
1 msk hvítvínsedik
nýmalaður pipar
salt
1/2 dós túnfiskur í olíu
1/2 rauðlaukur, saxaður smátt
1-2 msk steinselja, söxuð
1 tómatur, fræhreinsaður og saxaður smátt

Kartöflurnar soðnar, afhýddar og skornar í fremur þunnar sneiðar. Eggin
harðsoðin og skorin í sneiðar og hver sneið skorin í tvennt. Olía, edik,
pipar og salt þeytt saman í skál og 1 msk af blöndunni dreift á botninn á
lítilli salatskál eða kringlóttu fati með háum börmum. Helmingnum af
kartöflusneiðunum raðað í skálina. Túnfiskurinn stappaður með gaffli og
helmingnum af honum dreift yfir, helmingnum af eggjasneiðunum raðað ofan á
og helmingnum af lauknum dreift þar yfir. Þetta er svo endurtekið og
afganginum af salatsósunni dreift á milli laga. Efsta lagið skreytt með
söxuðum tómati og steinselju, plast breitt yfir og látið standa í a.m.k.
eina klukkustund. Borið fram með góðu brauði.

Það er majónes í fyllingunni sem sett er í eggin. Ég mæli með heimagerðu en
ég er viss um að það má alveg nota sýrðan rjóma ef því er að skipta. Í
staðinn fyrir sinnepið mætti líka nota svart ólífumauk (tapenade); það fæst
t.d. í litlum krukkum frá Sacla.