Heitt perusalat með ciderostasósu

3 perur
2 msk smjör
3 dl valhnetur
1 1/2 msk hráskykur
2 msk sítrónusafi
4 plómur
1 poki blandað salat

Sósa
200 g blámygluostur/gráðostur
1,5 dl peru-cider
salt og pipar

Afhýðið perurnar og skerið í sneiðar. Hitið smjörið á pönnu og steikið perurnar þar til þær eru gullinbrúnar á lit, blandið þá valhnetum og sykri saman við og látið steikjast saman í eina til tvær mínútur. Hellið þá sítrónusafa ykir og takið af hitanum. Skerið plómur í sneiðar og blandið saman við. Gerið því næst sósuna. Blandið saman gráðosti og cidernum, smakkið þá til með örlitlu salti og pipar, og látið malla þar til sósan þykknar aðeins. Setjið blandaða salatið á disk, þar ofan á perublönduna og að lokum sósuna. Berið fram strax með mat eða sem forrétt ef skipt er á marga diska.