Grillað paprikusalat

3 grænar paprikur
4 vel þroskaðir tómatar, skornir í helminga
1/2 lítil gúrka, skorin í sneiðar
1/2 hvítlauksgeiri, saxaður smátt
3 msk ólífuolía
1 msk epla- eða hvítvínsedik
nýmalaður pipar
salt
2 msk söxuð kóríanderlauf

Paprikurnar settar á grillið og grillaðar við góðan hita þar til hýðið er
allt orðið svart; snúið oft á meðan. Þá er þeim stungið í poka og þær látnar
bíða á meðan tómatarnir eru grillaðir þar til hýðið fer að springa. Þá eru
þeir teknir af grillinu, afhýddir, fræin skafin úr þeim og þeir skornir í
bita og settir í skál. Paprikunar teknar úr pokanum, afhýddar, fræhreinsaðar
og skornar í breiðar ræmur. Settar í skálina ásamt gúrkusneiðunum. Olíunni
hellt yfir og blandað og síðan er ediki bætt út í ásamt pipar og salti og
blandað aftur. Salatið látið standa smástund áður en það er borið fram (best
er þó ef hægt er að láta salatið bíða við stofuhita í svona klukkutíma).
Kóríanderlaufi e.t.v. stráð yfir salatið áður en það er borið fram.