Fiskisalat með rósmarínbrauði

Fiskisalat:
½ kg soðnar og flysjaðar kartöflur í bitum
1 msk smjör
2 msk olía
600 g fiskur
150 g humar
Blandað salat
Rucola salat
Ferskt basil
Ólívur, svartar og grænar
Sólþurrkaðir tómatar
Kabers
Kirsuberjatómatar
Gúrka
Avakadó
Furuhnetur og sólblómafræ

Dressing:
1 msk dijon sinnep
½ dl hvítvínsedik
1 tsk maldonsalt
mulinn svartur pipar
1 dl ólívuolía
smá chili-olía

Allt nema olíur þeytt saman þar til freyðir ofurlítið, þá er ólívuolíu og chili-olíu hrært út í.

Brauð:
3 dl hveiti
3 dl hvítt spelt
½ pakki þurrger
1 tsk hrásykur
2 – 2,5 dl volgt vatn
Rósmarín
Maldonsalt
Parmesanostur

Vatn, ger og sykur hrært saman. Látið standa, ef freyðir er gerið í lagi. Hveiti og spelt blandað saman í skál. Gerblöndunni hellt saman við og hnoðað vel. Látið hefa sig í að minnsta kosti 30 mín.
Deigi skipt í tvennt. Hvor hluti flattur mjög þunnt og settur á bökunarplötu klædda bökunarpappír. Penslað með ólívuolíu og maldon-salti og rósmaríni stráð jafnt yfir. Parmesan ostur rifinn yfir. Skorið eftir endilöngu með kleinujárni eða hníf í um 2 cm breiðar ræmur. Bakað í um 220°C heitum ofni í um 10 mín.

Aðferð - Salat:

Smjör og olía hituð á pönnu, humar steiktur í augnablik, kryddaður með svörtum pipar. Vatn hitað að suðu í djúpri pönnu með loki. Fiskbitar, til dæmis sjófryst ýsa, settir út í og suðan látin koma upp. Fjarlægið af hellu og látið fiksinn standa í um 2 mín. Eða þar til hann er rétt soðinn í gegn.
Skerið kartöflur, papriku, gúrku og avókadó í bita. Skerið rauðlauk og sólþurrkaða tómata í ræmur. Blandið vel saman fiski, kartöflum, ólívum, sólþurrkuðum tómötum og kabers og dálitlu af dressingunni. Blandið salati og öðru grænmeti saman í skál og hellið fiskblöndunni yfir. Hellið restinni af dressingunni yfir og sáldrið fræjum yfir salatið