Bauna- og eggjasalat með pestósósu

2 egg
1/2 poki blönduð salatblöð, t.d. klettasalatsblanda
2-3 tómatar
3 msk jómfrúarolía
nýmalaður pipar
salt
3 msk pestósósa, græn eða rauð
2 msk hvítvín eða vatn
1/2 dós kjúklingabaunir
nokkrar ólífur

Eggin harðsoðin og síðan kæld, skurnflett og skorin í báta. Salatblöðunum
dreift á fat. Tómatarnir helmingaðir, fræhreinsaðir og skornir í bita.
Dreift yfir salatið, 1 msk af olíu ýrt yfir og kryddað með pipar og salti.
Pestósósa, hvítvín/vatn og 2 msk af olíu hrært saman og helmingnum af
blöndunni hrært saman við kjúklingabaunirnar. Þær eru svo settar í hrúgu á
miðjuna á diskinum, eggjabátum raðað í kring og nokkrum ólífum dreift á
milli. Borið fram með góðu brauði og afganginum af sósunni.