Tómatpizza eða tómatbrauð

300 ml vatn, ylvolgt
1 msk þurrger
2 msk olía
1 ½ tsk salt
um 450 g hveiti (eða eftir þörfum)
4 msk rautt pestó
6-800 g íslenskir tómatar
20 ólífur, steinlausar
1 msk ferskt óreganó eða 1 tsk þurrkað
1 ostarúlla með beikin- og piparblöndu frá ostahúsinu
100 g rifinn ostur

Það má alveg kalla þetta pizzu eða brauð, reyndar er þetta fremur brauð bakað með pómatáleggi, - Vatnið sett í skál, gerið og hunangi blandað saman við og látið standa í nokkrar mínútur. Þá er olíu og salti blandað saman við og síðan hveitinu smátt og smátt, þar til deigið er vel hnoðunarhæft en þó fremur lint. Hnoðað vel og síðan látið lyfta sér í um 1 klst. Þá er deigið hnoðað aftur smá stund og síðan eða teygt út í kringlótt mót, þykkast út við kanntana. Pestóinu smurt á miðjuna. Tómatarnir skornir í 1 – 1 ½ cm þykkar sneiðar (gott að kreista svolítið af safanum úr hverri sneið áður en hún er sett á brauðið) og raðað ofan á. Ólífum og söxuðu óreganói dreift yfir. Ostarúllan klipin í bita og þeim dreift yfir og að lokum er rifna ostinum stráð yfir. Látið bíða á meðan ofninn er hitaður í 220° C. Brauðið/Pizzan er svo bökuð í um 20 mínútur, eða þar til það hefur lyft sér vel og tekið góðan lit og osturinn er gullinbrúnn. Brauðið er best volgt en það má líka borða kalt.