Mínipizzur með ferskjum fíkjum (8 stk)

250 g spelt, hægt að nota fínt og gróft til helminga
3 tsk vínsteinslyftiduft
1/2 tsk salt
1 tsk óreganó
1-2 msk olía, t.d. kaldpressuð kókosolía eða ólífuolía
125 - 150 ml heitt vatn

Setjið allt nema vatnið í hrærivél eða matvinnsluvél og blandið saman. Bætið vatni út í smá saman þar til deigið myndar kúlu, þá er það tilbúið.
Stráið spelti á borðið og fletjið deigið út, notið glas eða skál (um 12-15 cm í þvermál) til að skera pizzurnar út. Setjið á bökunarpappír í ofnskúffu og forbakið við 200°C í um 3-5 mín.

Fylling:
8 ferskar fíkjur
1 dl furuhnetur
100 g geitaostur
1 dl kaldpressuð lífræn ólífuolía t.d. frá LaSelva
3 msk crema di balsamico frá LaSelva
1 msk agave síróp
1 hvítlauksrif, pressað
örlítið rósmarín (t.d. 1 msk af rósmaríni í ólífuolíu frá LaSelva, fæst í Hagkaupum)

Skerið hverja fíkju í fernt. Hrærið ólífuolíu, balsamic-mauk, agave síróp, hvítlauk rósmarín saman og setjið u.þ.b. 1 tsk á hvern fíkjubát og látið marinerast í smá stund.
Setjið fíkjur, geitaost og furuhnetur á hverja pizzu og bakið við 200°C í 5-10 mín.