Litlar pítupizzur með lauksultu og Delfí  osti(Fyrir fjóra)

1 pakki pítubrauð (6 stykki)
5 laukar, skornir í þunnar sneiðar
3 msk smjör
1 dl balsamedik
1 dl hrásykur
200 g Delfí ostur
ólífuolía
ferskt timían
sjávarsalt og ný mulinn pipar

Hitið ofninní 180°C. Hitið smjör á pönnu og steikið laukinn þangað til hann mýkist. Bætið þá balsamediki og hrásykri saman við og sjóðið saman í u.þ.b. 20 mín. við mjög vægan hita. Á meðan eru pítubrauðin skorin í tvennt þannig að tveir botnar veða úr hverju brauði. Raðið pítubrauðunum á bökunarplötu og dreifið lauknum á botnana. Setjið því næst klípu af Delfí á þá, ásamt fersku timjan og sjávarsalti. Bakið í ofni í 10-15 mínútur. Piprið að smekk og dreypið smávegis olíu yfir í lokin. Sniðugur réttur á hlaðborð eða sem aðalréttur með salati.