Humarpizza

Hráefni:
Pitsubotn að eigin vali (ég mæli með fersku pitsudeigi sem hægt er að rúlla út og fæst meðal annars í Nettó)
500 g skelflettur humar
200 g ostur að eigin vali (gott að nota pitsuost)
1 hvítlaukur
1 dl olía
svartur pipar

Aðferð:
Búið fyrst til hvítlauksolíu. Saxið meðalstóran hvítlauk niður með töfrasprota og hrærið saman við olíu. Rúllið pitsubotninn út og látið standa meðan humar er steiktur á pönnu upp úr örlítilli hvítlauksolíu og svörtum pipar. Þegar humar er orðinn örlítið gylltur er hann tilbúinn. Smyrjið þá pitsubotn með þunnu lagi af hvítlauksolíu og dreifið humri yfir. Dreifið osti næst jafnt yfir. Skellið pitsunni inn í 220 gráðu heitan ofn. Hún ætti að vera tilbúin eftir tíu til fimmtán mínútur eða þegar osturinn er orðin brúnleitur og girnilegur. Berið fram með salati að eigin vali og fetaosti