Humarpasta

400 g humarhalar
1 pakka af taglietelle-pasta
lítinn rjómaost
1/2 piparost
3 hvítlauksrif
1 pela rjóma
1 lauk
ferskir sveppir eftir smekk
1 dl hvítvín

Humarinn er þrifinn og skeljarnar og garnirnar teknar úr. Laukurinn er skorinn í litla bita og sveppirnir í þunnar sneiðar.
Síðan er smjörlíkisklípa brædd á pönnu með tveimur hvítlauksrifjum og humarinn snöggsteiktur.
Þegar humarinn er tilbúinn er hann settur í skál og svo laukurinn, sveppirnir og hvítlauksrifin snöggsteikt á pönnunni.
Þegar það er orðið mjúkt er rjómanum skellt á pönnuna, ásamt rjómaostinum og piparostinum í bitum.
Öllu er hrært vel saman og látið bráðna og síðan má skella humrinum í sósuna. Ef sósan er þunn er fínt að setja smá maizena-mjöl í hana og hræra vel.
Pastað er soðið samkvæmt leiðbeiningum og þetta svo allt borið fram með hvítlauksbrauði og hvítvíni.