Pasta með ofnbökuðum tómötum og fleiru

500 g vel þroskaðir tómatar, skornir í fjórðunga
1 rauð paprika, fræhreinsuð og skorin í ræmur
1 laukur, skorinn í bita
2 hvítlauksgeirar, saxaðir
10-12 peperonisneiðar, skornar í ræmur
2-3 msk pestósósa úr krukku
1 msk tapenade
1 msk paprikumauk (má sleppa)
nýmalaður pipar
salt
350-400 g taliatelle eða annað pasta
200 g beikon í sneiðum, ekki mjög feitt
nokkur fersk basilíkublöð (má sleppa)
nýrifinn parmesanostur

Ofninn hitaður í 220 gráður. Tómatar, paprika, laukur, hvítlaukur, peperoni,
pestósósa, tapenade, paprikumauk, pipar og salt sett í eldfast fat og
blandað vel. Sett í ofninn og bakað í 35-40 mínútur, eða þar til allt er
mjög vel meyrt og hefur tekið góðan lit; hrært einu sinni seint á
bökunartímanum. Pastað soðið í saltvatni samkvæmt leiðbeiningum á umbúðum. Á
meðan er beikonið steikt á þurri pönnu þar til það er stökkt. Þegar pastað
er soðið er því hellt í sigti og látið rennna vel af því en síðan hvolft í
skál, grænmetinu hellt yfir og blandað (ef eldfasta fatið er stórt má
einfaldlega hvolfa pastanu í það og blanda). Beikonið tekið af pönnunni og
fitan skilin eftir. Dreift yfir pastað, skreytt með basilíku og borið fram
með ostinum.