Léttur pastaréttur með Delfí osti (fyrir fjóra)

500 g pasta að eigin vali
200 g Delfí ostur
1 dl mjólk
safi úr einni sítrónu
1 dl sólþurrkaðir tómatar
200 g sveppir, skornir í fernt
2 hvítlauksrif, söxuð smátt
1 dl fersk steinselja söxuð smátt
1 dl fersk basilíka, söxuð smátt
sjávarsalt og nýmulinn pipar
olía til steikingar

Sjóðið pastað samkvæmt leiðbeiningum á pakkanum. Á meðan er Delfí, sítrónusafa og mjólk blandað saman í skál og sett til hliðar. Skerið sólþurrkuðu tómatana í strimla. Hitið smjör á pönnu og steikið sveppi og hvítlauk, saltið og piprið. Þegar pastað er soðið er það sett í skál og Delfí-blöndunni, sveppunum, hvítlauknum og sólþurrkuðu tómötunum blandað saman við. Að síðustu er fersku kryddjurtunum bætt út í. Tilvalið er að bera fram brauð og klettasalat með réttinum.