Cappuccino-ostaterta           
Botn:
125 gr hafrakex eða annað gott kex
½ tsk kanill
100 gr smjör

Myljið kexið smátt og blandið kanil saman við. Bræðið smjörið og hrærið því saman við kexmylsnuna.

Setjið kökuhring eða hring af smelluformi, um 28 cm í þvermál, á kökudisk og dreifið kexblöndunni jafnt í hringinn og þjappið með kökuspaða.

Fylling:
400 gr rjómaostur
200 gr flórsykur
10 matarlímsblöð
3 dl espressókaffi eða skyndikaffi
½ lítri rjómi, þeyttur

Setjið matarlím í kalt vatn í skál og látið liggja þar í 10-15 mín.

Hrærið rjómaostinum og flórsykrinum saman og hrærið svo 2 dl af kaffinu saman við blönduna.
 

Hellið vatninu af matarlíminu og setjið 1 dl af kaffi saman við matarlímið. Hitið í örbylgjuofni eða yfir vatnsbaði þar til límið er bráðið og blandið því saman við rjómaostinn.

Blandið strax á eftir þeytta rjómanum saman við.

Setjið fyllinguna ofan á kökubotninn í forminu og sléttið með kökuspaða. Látið standa í kæli í a.m.k. 2 klst. eða í frysti í 1 klst.

Súkkulaðibráð:
1 dl rjómi
150 gr suðusúkkulaði

Hitið rjómann að suðu í örbylgjuofni eða í potti og saxið súkkulaðið smátt.