Snickersostakaka með bláberjum

8-10 heilhveitikexkökur (Haustkex)
75 g smjör
2 msk sykur
2 Snickersstykki
250 g mascarponeostur, mjúkur
200 g sýrður rjómi (36%)
4 msk flórsykur, eða eftir smekk
1 tsk vanilluessens
250 g bláber (má reyndar sleppa)

Ofninn hitaður í 180 gráður. Kexkökurnar muldar fínt, gjarna í
matvinnsluvél, og smjöri og sykri hrært saman við. Blöndunni hellt í
bökuform eða kringlótt, eldfast mót og þrýst niður á botninn og dálítið upp
með börmunum. Sett í ofninn og bakað í 8-10 mínútur, eða þar til bökuskelin
er svolítið byrjuð að taka lit en ekki farin að brenna. Tekin út og látin
kólna. Snickersstykkin skorin í fremur litla bita. Osturinn og sýrði rjóminn
hrærður með flórsykri og vanilluessens og síðan er Snickersbitunum hrært
saman við. Hellt í bökuskelina og jafnað. Berjunum dreift yfir. Kælt vel.