Uppskrift að piparkökuhúsi:

1,6 kg hveiti

3 dl mjólk

3 dl sykur

2 dl síróp

100 g smjörlíki

1 og 1/2 msk. kanill

1 msk. matarsóti

1 msk. Engifer

Bræðið saman sykur, síróp, smjörlíki og krydd í potti. Bætið mjólk út í og látið síðan kólna. Blandið matarsóda saman við hveitið. Hellið sykurleginum út í og hnoðið vel. Geymið á köldum stað til næsta dags. Teiknið mynstur af húsum á blað og klippið út. Rúllið deigið út, 3 mm þykkt, og skerið út eftir mynstrinu. Bakið á bökunarpappír á plötu við 175°C í 10-12 mínútur.

Hvernig er best að líma húsin?

Gott er að notast við bráðið súkkulaði. Bræðið súkkulaðið í vatnsbaði, takið því næst þríhyrndan smjörpappír og rúllið upp í kramarhús og hellið súkkulaðinu varlega í kramarhúsið, lokið fyrir og klippið sprautugatið eftir hentugleikum. Þetta er eitt besta ráðið en sýnið þolinmæði meðan súkkulaðið storknar.

Bráðinn sykur: Setjið sykur á pönnu og hitið upp í háan hita eða þar til sykurinn bráðnar. Berið bráðina því næst á þá hluta hússins sem á að festa saman og haldið við stutta stund. Þegar bráðin kólnar breytist hún í brjóstsykur. Varist snertingu við heitan sykurinn