Mangóterta Díu í smjördeigi

Ofn 200-225

Byrja á því að þekja form (td. Bökuform) vel að innan með smjördeigi, fylla vel allar hliðar og upp á barma, og látið standa við stofuhita meðan annað er tilreitt. Botninn pikkaður með gaffli.

Formið er síðan sett í kæliskáp og látið standa þar í a.m.k. 15 mínútur. Að þeim loknum er því stungið í ofn og bakað í max 10 mínútur (225 gráður) eða þar til smjördeigið er farið að lyfta sér. Þá er formið tekið út og hitinn á ofninum lækkaður niður í 200.

Ofan á botninn er síðan þessi blanda sett ( blanda a sameinuð b):

a. Blanda öllu þessu saman:
    2 eggjarauðum
    250 gr kotasælu
    2 msk kartöflumjöli
    4 msk flórsykri
    rifinn börk af einni sítrónu
    1 tsk vanillusykur
    (2 msk romm, ef vill)

b. Því næst eru eggjahvíturnar stífþeyttar saman við ½ dl sykur og blandað varlega saman við fyrri blöndu, a.

Mangóávöxtur skorinn í báta (hægt að nota hvaða ávöxt sem er, ég hef líka prófað ferskjur / nektarínur og gefist vel) og raðað yfir.

Bakað í miðjum ofni í ca 20-25 mínútur.

Flórsykri dreift yfir áður en kakan er borin fram.
Góð, bæði volg og köld með ís / rjóma.