Kókosgrillaður kjúklingur

Þessi er frábær og tilvalinn á grillið! Kókosið gefur kjúklingnum meiriháttar gott bragð. Athugið að kjúklingabringurnar þurfa að liggja í marineringarlegi í 2 klst.

Hráefni:
360 g kjúklingabringur

Marinering
4 dl kókosmjólk
50 g hreinsaður og saxaður engifer
3 msk sojasósa (helst Kikkoman)
2 msk flórsykur eða púðursykur
25 g kóríander
1 msk fiskisósa (asísk)
4 stk rauður chilipipar
4 stk hvítlauksgeirar
safi úr 1 stk. lime
Til skrauts
rauður chilipipar, skorinn í teninga, og vorlauksstrimlar


Marinering
Blandið öllu hráefninu saman. Skerið lítillega í bringurnar og setjið í skál. Látið skálina í kæli og látið marinerast í 2 tíma.

Matreiðsla
Hitið grillið eða pönnuna og steikið bringurnar á skinnhliðinni fyrst og gætið þess bringurnar séu þaktar með marineringarleginum. Grillið í u.þ.b. 15 mínútur eða þar til kjötið hefur náð 75 gráðu hita í kjarna. Veltið bringunum öðru hverju á meðan eldun á sér stað. Hitið á meðan restina af marineringarleginum vel og setjið í skál.

Framreiðsla
Berið fram með t.d. fersku salati og hrísgrjónum.