Jólasmákökur með haframjöli og kornflexi

200 g lint smjör
2 dl sykur
2 dl púðursykur
2 egg
Hræra fyrst smjör, sykur og púðursykur saman. Eggjum bætt út í blönduna þegar smjörið og sykurinn hafa blandast vel saman. Á meðan er þurrefnum blandað saman í aðra skál.
4 dl hveiti
½ tsk. salt
1 tsk. matarsódi
2 tsk. vanillusykur
4 dl kornflex
4 dl haframjöl (tæplega)
2 dl kókosmjöl (gott að hafa það gróft)

Öllu blandað saman. Kökurnar hefast mjög mikið í ofninum svo það er betra að hafa gott pláss á milli þeirra og hafa þær í smærri kantinum. Bakið við 180°C í um 8 mínútur (ekki of lengi til að þær haldist mjúkar). Þegar kökurnar eru nýkomnar úr ofninum er súkkulaðidropum (dökkum) stungið ofan í miðja kökuna. Eins er hægt að saxa suðusúkkulaði niður í smáa bita og nota í staðinn eða bræða suðusúkkulaði og pensla því ofan á kökurnar. Til að fá tilbreytingu er líka hægt að nota suðusúkkulaði með appelsínubragði.