Gateaux Jaqueline Súkkulaðikaka

500 gr strásykur
2 dl vatn
500 gr suðusúkkulaði
8 msk hveiti
500 gr smjör brætt við lágan hita
8 eggjarauður
8 eggjahvítur stífþeyttar með 2 msk. af flórsykri

Sykur og vatn soðið saman þar til sykurinn er orðinn tær, þá er blandan tekin af hitanum og látin kólna smá stund. Súkkulaðinu bætt út í blönduna og það látið bráðna í henni. Þegar súkkulaðið er bráðið er hveitinu bætt saman við og hrært þar til allt hefur blandast vel saman. Þá er bræddu smjörinu smá saman bætt út í og hrært stöðugt á meðan. Eggjarauðunum hrært út í einni í einu. Að síðustu er stífþeyttri eggjahvítunni bætt í deigið og hrært í rólega með sleif. Álpappír eða smjörpappír/bökunarpappír settur í ofnskúffu og deiginu hellt í skúffuna. Bakað við 175°C í ca. 40 mín. (miðað við blástursofn) annars þarf hitinn að vera 30°C hærri.