Flatkökur

8 kartöflur
1 bolli vatn
smásalt
2 msk. olivuolía
2 bollar hveiti.

Kartöflurnar eru soðnar, afhýddar og kældar aðeins. Hveitið er sett á borð,
olían í miðjuna og blandað saman með fingrunum. Örlítið salt sett út á og
vatnið. Deigið er hnoðað vel saman og sett í ísskáp í smástund. Þá er það
hnoðað aftur og mótað í lítlar kúlur, sem eru flattar út í litlar
lummustærðir (með hnúm og fingrum). Kartöflurnar eru maukaðar, lummurnar
eru penslaðar með pínuolíu og 1-2 tsk. af kartöflumauki er sett á lummu og
önnur ofan á. Köntunum er þrýst saman og síðan flatt út í pönnukökustærð. Þá
eru þær bakaðar á pönnu.

Það er hægt að setja smá cummin (1 tsk.) og chilipipar (ca. 1/2 tsk.) saman
við hveitið og þá koma út fínar kökur með pasta eða öðru. Einnig er hægt að
setja eitthvað annað krydd eða ferskar kryddjurtir út í deigið.