Þessar bragðgóðu kökur klikka aldrei og er því tilvalið að baka þær nú fyrir jólin þar sem þær eru einfaldar, bragðgóðar og fljótlegar.

Enskar karamellukökur

1 bolli mjúkt smjör

1 bolli sykur

1 egg

2 bollar hveiti

1 teskeið kanill

1 bolli saxaðar pekan- eða valhnetur.

Hitið ofninn í 135 gráður. Hrærið saman í stórri skál smjör og sykur. Aðskiljið eggið og hrærið eggjarauðuna saman við blönduna. Geymið eggjahvítuna. Blandið saman í annarri skál hveiti og kanil og bætið við smjörblönduna. Fletjið deigið út á bökunarplötu og hrærið eggjahvítuna þangað til hún er orðin froðukennd og burstið yfir deigið. Stráið hnetunum yfir. Bakið í klukkustund eða þar til kakan er orðin þétt í sér. Skerið í bita og látið kólna.