Bláberjabaka

100 g íslenskt smjör, brætt
100 g kókosmjöl
1 1/2 dl spelt (fínmalað)
1 dl sykur
3 dl bláber

Allt hrært saman að frátöldum berjunum sem sett eru ofan á deigið. Hluta af deiginu þrýst innan í bökuform (eða eldfast mót) og einnig aðeins upp á barmana. Bláberjunum stráð yfir og örlitlum sykri; restinni af deiginu er síðan dreift yfir eða deigið skorið í ræmur og raðað í mynstur ofan á bökuna. Bakað í 20 mínútur við 200 gráðu hita. Borið fram með þeyttum rjóma eða ís.