Kjúlli í hvítlauks- og steinseljurjómasósu:
Fyrir fjóra:

4 kjúklingabringur
Olía
1/2 líter rjómi
Hvítlaukur eftir smekk
1 búnt fersk steinselja
Salt
Nýmalaður svartur pipar
 

Steiktu bringurnar heilar, saltaðu og pipraðu þær. Saxaðu steinseljuna og stráðu henni yfir bringurnar. Helltu rjómanum yfir og láttu suðuna koma hægt upp. Pressaðu hvítlauksrifin. (nú er mín farin að flysja hvítlaukinn í nýja hvítlauksflysjaranum sínum; engin smá græja. Settu rifin saman við sósuna og láttu sjóða hægt, hægt þar til bringurnar eru gegnsoðnar. 

Borið fram með hrísgrjónum, fersku salati og brauði. Yndislega dásamlegur réttur, sérstaklega fljótlegur og hentugur t.d. á föstudögum þegar mann langar í eitthvað gott en nennir ekki að elda.