Kjúklingur í suður-frönskum stíl

Kjúklingur = ca. 3-4 stk. (höggnir í 8-9 bita hver)
Laukur = 3 stk. (skorinn í 1/4 sneiðar, frekar grófar)
Paprika = 3 stk. (skornar í hálfar sneiðar)
Ananas = 1 kg.dós. (í bitum, ásamt safanum sem notaður er í sósuna)
Ólífur = 200 gr. (ásamt safanum sem notaður er í sósuna)
Tómatar = 1 kg. Dós. (gróft skornir eða kreistir út í, ásamt
safanum sem notaður er í sósuna)
Engiferrót = 1/2-1 stk. (rifinn)
Hvítlaukur = 5 rif. (maukaður)
Strásykur = 1 dl.
Eplaedik = 1 dl.
Rjómi = 1/2 lítir.
Vatn = 2-3 dl.
Kjúklingakraftur = x(eftir smekk)
Grænmetiskraftur = x(eftir smekk)

Aðferð:
1. kjúklingabitarnir steiktir á pönnu og kryddaðir með salti og pipar, síðan kláraðir í ofni á 110°C. Að kjarnhita 72°C.

2. Laukur og paprika brúnað á pönnu og sett í pott ásamt ananas, ólífum, tómat, engifer, hvítlauk, sykri, ediki, rjóma og vatni. Suðan látin koma upp og soðið í nokkrar mínútur.

3. Sósan er bökuð upp með smjörbollu, suðunni hleypt upp og smakkað til með kjúklinga og grænmetiskrafti, salti og pipar.

4. Sósuna þarf mögulega að laga til eftir smekk með t.d. sykri, ediki, krafti og rjóma.

Meðlæti: hrísgrjón, ferskt salat og nýbakað brauð.
Ath. grænmeti í réttin má vera meira, allt eftir smekk hvers og eins.

Kristján Rafn Heiðarsson. matreiðslumeistari.