Kjúklingapasta með pestó (fyrir 6)

Kjúklingur:
800 g kjúklingabringur
3-4 msk pestó (grænt og rautt)
2-4 hvítlauksgeirar
nokkrir stönglar ferskt rósmarín eða 1-2 tsk þurrkað
1 ½ msk hvítvíns- eða sítrónuedik
1 kjúklingateningur leystur upp í 2,5 dl vatni
4 msk ólívuolía
salt
pipar

Hitið ofninn í 200°C og smyrjið pestóinu í botninn á eldföstu móti. Skerið hvítlauk í þunnar sneiðar og dreifið yfir pestóið (eða notið hvítlaukspressu). Raða bringunum í mótið og blandið saman ediki og kjúklingasoði og hellið yfir kjúklinginn. Dreypið ólívuolíu yfir og kryddið með salti og pipar. Vökvinn á að ná uþb upp að miðjum bringunum, þannig soðnar kjötið neðanfrá og bakast ofanfrá bakið í opnu móti í 15 mínútur, takið út og hrærið í soðinu. Leggið álpappír eða lok yfir mótið og bakið í 20-30 mínútur eða þar til kjúklingurinn er tilbúinn.
Berið fram með pestópasta.

Pestópasta
250 g saxaðir sveppir
1-3 pressuð hvítlauksrif
2 msk pestó
6 msk ólívuolía
500 g tagliatelle

Steikið sveppi á pönnu upp úr ólífuolíunni þar til þeir fá góða steikingarhúð. Lækkið hitann á pönnunni, bætið hvítlauk og pestó út í og látið malla í 5 mínútur. Blandið pastanu saman við pestósveppi. Gott er að bera fram parmesan ost með.