Þjóðhátíðarlundi
fyrir 4

6 stk lundar

úrbeinið lundana og setjið olíu á pönnu þar sem hún er látin hitna vel. Á meðan olían hitnar setjið þá út á hana ferskt timjan, hvítlauk og bláber sem gefur henni dálítið villibráðarbragð.
Steikið bringurnar á sjóðheitri pönnunni í 15 sek. á hvorri hlið og takið síðan af og látið standa í stutta stund áður en rétturinn er borinn á borð því þannit jafnar kjötið sig og bringan verður fallega rauð að miðju.

Berið fram með glænýjum kartöflum sem skornar eru til helminga endilangt og kryddaðar með Maldin-salti og þurrkuðu timjan og rósmaríni og velt upp úr olíu. Gott er að setja kartöflurnar í eldfast mót og skella þeim í ofninn á 180 gráður og baka í 20 - 30 mín. eða þar til þær eru tilbúnar.