1 kg hakk
1-2 egg
brauðrasp
1 dl barbeque sósa
krydd
1 lauf gráðostur
1/2 hvítlauksostur (þessi kringlótti harði)
Hakk sett í skál, eggin út í og kryddið ásamt BBQ sósunni. Þessu blandað vel saman, bætt við brauðraspi þar til blandan er ekki lengur mjög blaut.
Þessu skipt í tvennt og búnar til lengjur úr báðum (svona eins og breið en flöt brauð).
Önnur lengjan sett í ofnskúffu og gerður "skurður" eftir henni endilangri, en þó ekki alveg út á enda báðum megin.
Osturinn settur í litlum bitum í skurðinn og að lokum er hin lengjan sett ofaná allt saman. Passa uppá að ekki sjáist í ostinn og klessa þessu vel saman.
Nú á að vera til svona brauðlaga svikinn héri með ostafyllingu.
"Hérinn" penslaður með BBQ sósu jafnvel má setja beikon lengjur ofan á (eða í skurðinn).
Svo er þetta bara bakað í ofni í ca. 1 klst.