Önd að hætti Humarhússins

Önd með sætu kartöflukremi, gulrót, sultuðum perlulauk og gráfíkju- soðsósu

Hráefni:

Andarbringa

Gulrætur

Perlulaukur

Aðferð:

Andarbringa er steikt á pönnu við lágan hita á fituhliðinni. Af og til er fitunni sem kemur af bringunni hellt af pönnunni og er notuð til að elda andalærin. Bringunni er svo snúið við og elduð í mjög skamman tíma á þeirri hlið. Öndin er svo fullelduð í ofni. Gulræturnar eru flysjaðar og steiktar upp úr smjöri. Salt og pipar í lokin.

Perlulaukurinn er bakaður í hýðinu í ofni við 150°C, flysjaður og lagður í ediklög.

Ediklögur (hráefni):

Gott hvítvínsedik

Sykur

Rósmarín

Einiber

Aðferð:

Ediki og sykri er blandað saman í potti í hlutföllunum 50/50 með rósmarín og einiberjum og soðið þar til allur sykurinn er leystur upp.

Sætt kartöflukrem (hráefni):

Sætar kartöflur

Appelsínusafi og appelsínubörkur

Salt og pipar

Aðferð:

Kartöflurnar eru bakaðar í ofni í hýðinu. Skafið svo innan úr kartöflunni og setjið í matvinnsluvél og maukið vel. Kryddið með appelsínusafa, berki, salti og pipar.

Gráfíkjusoðgljái (hráefni):

Shallotlaukur

Hvítlaukur

Rósmarín

Einiber

Kardimommur

Gráfíkjur

Hrásykur

Balsamik

Rauðvín

Nautasoð

Aðferð:

Laukurinn, hvítlaukurinn, rósmarín, einiber, kardimommur og gráfíkjur er svitað í potti. Hrásykri bætt út á og karamelliserað. Balsamediki (balsamiki) er bætt á og soðið niður í karamellu. Rauðvíni er bætt út í og soðið niður. Nú er nautasoði bætt út í og sósan sigtuð og soðin niður í mátulega þykkt. Sósan er smökkuð til og krydduð með salti og pipar.