Lambahryggur með lakkrís, íslensku rótargrænmeti  og lambasoði Fyr­ir 4-6.

Lambahryggur:

1 hrygg­ur eða fillet með fitu
4 stk. lakkrís­rót
1 tsk. púðursykur
salt og pipar

Gul­rótamauk:

½ kg gulrætur
1 grein ferskt rósmarín
50 g smjör
salt og pipar 

Steikt rótargrænmeti:

½ kg gulrófur
½ kg gulrætur
1 grein ferskt rósmarín
smjörklípa
salt og pipar 

Sósa:

beinin af hryggnum
1 gulrót
1 laukur
1 grein rósmarín
5 svört piparkorn
1 lakkrísrót
2 lárviðarlauf
1 tsk. tómatpuré
1 bolli rauðvín
1 tsk. Molasses sykur
50 g kalt smjör

Að­ferð :

Hryggurinn úrbeinaður, fituröndin snyrt og hryggvöðvarnir skornir í tvennt. Oddur tálgaður á lakkrísrótina og henni stungið í vöðvann eftir endilöngu.Kjötið er síðan kryddað vandlega með salti og pipar og púðursykri er nuddað á fituhliðina. Síðan er kjötið brúnað við mjög vægan hita í ca. 2-3 mínútur á fituhliðinni þar til það er gullinbrúnt. Þar á eftir er hitinn hækkaður og steikt snöggt holdmegin. Klárað í ofni við ca. 130-150 C þar til kjarnhiti er nær 60°C í kjarna, hvílt í 5 mínútur áður en það er borið fram.

Gul­rótamauk:

Gulræturnar skrældar og skornar í bita og svitaðar í smá smjöri og rósmaríni. 1 dl vatn bætt í og þétt lok sett á, eld­að­ar meyrar, maukað­ar í hand blender og svo kryddað með salti og pipar.

Gufusteiktar rófur:

Rófurnar skornar í jafna bita og svitaðar í smjöri með rósmaríni, salti og pipar, steiktar þar tiþær taka lit. Þá er smá vatni bætt í og þétt lok sett á, eldað við vægan hita þar til þær eru meyrar. 

Soð:

Beinin eru brúnuð í ofni við 170°C, grænmeti og krydd karmeleserað með tómatpurré og svo er rauð­víni og molasses bætt í og soðið niður um helming. Beinin eru svo sett út í ásamt 1-2 vatni og soðið rólega í 2-3 klst. Sigtað og soðið niður þar til hæfilegt bragð og litur næst (ca.2-300 ml). Í lokin er köldu smjöri bætt í og hrært þar til það hverfur, krydd­að með salti og pipar.