Lambahryggsrúlla vafin í parmaskinku með framandi lambaöxl

Margir hafa lent í því að lambalundirnar, sem eru einn besti vöðvinn á hryggnum, vilja verða ofeldaðar og þurrar þegar hryggurinn er tilbúinn. Séu þær hins vegar teknar af og notaðar til fyllingar ásamt apríkósum, furuhnetum og cuminkryddi, þá er allur hryggurinn tilbúinn á sama tíma og kjötið safaríkt eftir því. En hægt er að úrbeina hrygginn og vefja hann inn í parmaskinku eins og hér er gert eða skera meðfram beinunum og stinga fyllingunni undir hryggvöðvann og gera hrygginn heilan, þá þarf meiri eldunartíma en hér. En ef mikið á að leggja í réttinn er hægt að hægelda lambaöxl sem gerir réttinn nýtískulegan og framandi (en það er ekki nauðsynlegt).

Hráefni:

1 stk. lambahryggur

nokkrar sneiðar, þunnt skorin parmaskinka

10 stk. apríkósur

50 g furuhnetur

3 g cumin

salt og pipar

Aðferð:

Skerið meðfram beininu ofan frá, fjarlægið filet ofan frá og lundirnar neðan af hryggnum, fyllið með apríkósum, og furuhnetum. Vefjið í parmaskinku, kryddið með salti, pipar og cumin-kryddi. Bakið í ofni við 220°C í 6 mínútur og lækkið svo niður í 150°C í um 3-5 mínútur (getur verið breytilegt eftir ofnum) eða þar til kjarnhiti nær 62°C. Hægelduð lambaöxl

Hráefni:

1 stk. fremsti hlutinn af framparti

blandaður grænmetisafskurður

salt og pipar

Aðferð:

Lambaöxlin er vafin þétt inn í plastfilmu með grænmetisafskurði ásamt kryddi að eigin vali og elduð í potti í minnst 6-8 tíma. Allt kjöt er rifið af beinunum og kryddað með salti og pipar og Nam Prikapríkósudressingu.

Nam Prik-apríkósudressing

Þessi dressing er tilvalin á eldað kjöt því vatnið fer inn í kjötið og skilur eftir ferskt bragð og er því alveg fitulaus.

Hráefni:

50 ml sykursíróp (50 ml vatn og 30 g sykur) safi og börkur af 1 límónu 1 rif, fínt saxaður hvítlaukur 4 stk. apríkósur ½ kjarnhreinsaður chili-pipar salt og pipar ferskt kóríander (má sleppa) nokkrar furuhnetur

Aðferð:

Rífið hvítlauk og börkinn af límónu með fínu rifjárni. Blandið í sykursírópið ásamt límónusafa og fínt söxuðum kjarnhreinsuðum chilipipar, furuhnetum og apríkósum. Framreiðið með lambaöxlinni.

Meðlæti

Rjómasoðið sumargrænmeti eins og aspas, spínat og sveppir. Sósa og kartöflur að eigin vali.