KJÖT Í GUINNESS Þessi kjötkássa er með afar írskum formerkjum, en í hana er meðal annars notaður Guinness-bjór.

1 kíló nautakjöt

3 msk olía

2 msk hveiti

Salt og nýmulinn svartur pipar

Klípa af cayenne pipar

2 stórir laukar, skornir gróft

1 hvítlauksgeiri, kraminn

2 tsk tómatpúrra, leyst upp í 4 msk af vatni

1 ¼ bolli Guinness

2 bollar gulrætur, skornar gróft

1 timjangrein

1 söxuð steinselja til skreytingar

Hreinsið kjötið og skerið í hentuga bita. Veltið kjötinu upp úr 1 msk. af olíu. Blandið hveiti, salti, pipar og cayenne-pipar í lítilli skál. Hitið restina af olíu á pönnu yfir háum hita. Brúnið kjötið, lækkið hitann og bætið lauk, hvítlauk og tómatablöndunni við. Setjið lok yfir og látið malla í 5 mínútur. Færið innihaldið yfir í pott og hellið helmingnum af Guinnessbjórnum í pönnuna. Látið suðu koma upp og skrapið kjötleifar af

pönnunni. Hellið yfir kjötið, ásamt restinni af bjórnum. Bætið gulrótum og timjani út í, hrærið og smakkið til. Látið malla undir loki yfir lágum hita þar til kjötið er meyrt, í um 2-3 tíma. Skreytið með steinselju og berið fram.