Kínverskar kjötbollur í súrsætri sósu
(um 30 stykki) fyrir 3-4

1-1,5 sm sneið fersk engiferrót
1/2 stk. stór laukur eða 1 stk. lítill
8 stk. vatnahnotur (water chestnuts - frystið afganginn úr dósinni og notið síðar)
1 msk. sojasósa (Kikkoman)
1 msk. fremur þurrt sérrý
1 msk. maízenamjöl
1 egg
2 tsk. sesamolía
1 geiri hvítlaukur
450 g svínahakk
1 stk. paprika (1/2 rauð og 1/2 græn)
1/2 laukur
1-2 gulrætur
1 bolli (1/4 dós) ananas
í bitum
1 sneið (0,2-0,3 sm) engiferrót
3 msk. matarolía til steikingar

Sósa
2 dl vatn eða ananassafi úr dósinni og vatn
1/2 dl sykur (eða eftir smekk)
2 msk. vínedik
2 msk. tómatsósa
1 msk. sojasósa (Kikkoman)
Öllu ofangreindu efni í sósuna blandað saman í skál.
4 tsk. maízenamjöl í 2 msk. vatni (í sér skál)

Aðferð:
1.    Skerið engiferrót og lauk í bita. Setjið engiferrót, hvítlauk, lauk, vatnahnotur, sojasósu, sérrý, maízenamjöl, egg og sesamolíu í matvinnsluvél og blandið. Hakkið sett út í og maukað í fars. Hitið olíu á pönnu eða wok og steikið bollur. Má gera daginn áður og geyma í ísskáp eða frysta.
2.     Hellið olíu af pönnu og þrífið með vatni og þurrkið. Skerið papriku,lauk og gulrætur. Hitið olíu yfir meðalhita og steikið engiferrót í 1 mín og bætið grænmeti út í og steikið í um 2 mín. Takið engiferrót frá og hendið. Hægt að gera tólf tímum fyrir fram.
3.     Bætið því við sem á að fara í sósu nema maízenamjöli og vatni sem er hrært sér og sett út í sósu til að þykkja.
4.     Kötbollur settar út í sósu og látið sjóða við meðalhita. Setjið loks ananasbita út í.