Kalkúnn fylltur með beikon, sveppum og lauk
fyrir 8

MARINERING

1 kalkúnn (u.þ.b 4 kg)
2 dl ólífuolía
1 tsk. rósmarín
4 hvítlauksgeirar
1 msk. estragon
salt og pipar

FYLLING

500 g beikon
500 g sveppir
1 stk. sellerístöngull
2 stk. gulir laukar
6 stk. hvítlauksgeirar
1 búnt steinselja
400 g smjör
¼ 1 rjómi
1 stk. franskbrauð

Kryddið marið í mortéli og blandað við olíuna. Nuddað vel inn í fuglinn og látið standa í um það bil 1 sólarhring. Fylling: Saxið sveppi, lauk, hvítlauk og sellerí og steikið á pönnu ásamt beikoninu. Smjörið sett út í og látið bráðna. Rjóma bætt út á pönnuna ásamt rifnu brauði og steinselju. Fyllingin sett að hluta til í gegnum hálsopið og því lokað. Restin sett í fuglinn og lokað fyrir. Steikið fuglinn í ofni í um 2½ klukkustund við 80° C hita undir viskustykki vættu í smjöri. Þá er hitinn hækkaður í 100° C. Eldunartími er um það bil 40-50 mínútur á kíló. Berið fram með sætkartöflustöppu og öðru tilheyrandi.