Innbakað lambalæri með kryddbragði

1 meðalstór/t lambalæri (úrbeinað)
1 tsk salt
0,5 tsk rósmarín
0,25 tsk salvía (sage)
0,25 tsk pipar
300 g smjördeig
5 dl vatn

sósa
8 dl soð og vatn
1 tsk kjötkraftur
0,5 tsk rósmarín
0,25 tsk salvía (sage)
0,125 tsk svartur pipar
2,5 dl rjómi
1 dl vatn (kalt)
15 g hveiti
sósulitur

Blandið saman kryddi og nuddið vel utan á kjötið. Látið bíða í u.þ.b. 1 klst. Setjið kjötið í heitan ofn 160°C og steikið í 1-1½ klst. Hellið vatni í ofnskúffuna þegar steiking er hálfnuð. Takið kjötið út og látið það kólna, geymið soðið. Fletjið smjördeigið út, stærra en kjötvefjuna. Rúllið því utan um kjötið, penslið samskeytin með vatni og þrýstið saman með gaffli. Skreytið með utanafskurði og penslið með eggjablöndu.
Steikið í ofni við 180°C í 40-50 mín. þar til deigið er fallega brúnt.
Látið bíða í 15 mín. áður en borið er fram.

Sósa:
Hellið soði frá fyrri steikingu og vatni í pott og bætið kjötkrafti, kryddi og rjómanum saman við. Sjóðið við vægan hita í 5-7 mín. Jafnið með hveitijafningi og sjóðið í 3-5 mín. Litið sósuna.

Skerið kjötið í sneiðar og berið fram með soðnum kartöflum og soðnu grænmeti.