Hakkað buff með kabers og hvítlaukshúðuðum gulrótum

(4 skammtar)

500 g hakkað nautakjöt
1/2 dl rasp
1 dl mjólk
1 laukur
1 egg
4 ansjósuflök
1-2 msk kapers
1 tsk salt
2 hnífsoddar hvítur pipar, mulinn eða malaður
3 gulrætur
1 msk smjör
2 hvítlauksgeirar
salt og pipar
800 g kartöflur

Kryddjurtasoð:
1 dl ferskar kryddjurtir
3 dl grænmetiskraftur

Undirbúningur:
Flysjið kartöflur og sjóðið. Hrærið raspið út í mjólkina. Saxið laukinn og ansjósuflökin. Hrærið þessu saman við kjöt, egg, kapers, salt og hvítan pipar og gerið úr því fars. Mótið buff úr farsinu og steikið í matarolíu við meðalhita. Flysjið gulræturnar, skerið þær í lengjur og sjóðið í grænmetiskraftinum í u.þ.b. 4 mín. Takið þær upp og setjið söxuðu kryddjurtirnar í kraftinn. Kælið soðið dálítið og setjið í þeytisprota eða blandara. Bætið salti og pipar í eftir smekk. Brúnið gulræturnar í smjöri og pressið hvítlaukinn yfir. Kryddið með salti og nýmöluðum svörtum pipar. Berið fram hakkað buffið ásamt kryddjurtasoðinu og nýsoðnum kartöflum.