Hakk-kebab

800 g nautahakk
1/2 laukur
2-3 hvítlauksgeirar
3-4 msk fersk mintulauf, söxuð
1/2 tsk kóríanderfræ, steytt
1/2 tsk kumminfræ, steytt
nýmalaður pipar
salt
2 msk ólífuolía
2 brauðsneiðar, dagsgamlar

Hakkið sett í skál. Laukur, hvítlaukur, minta, kóríander, kummin, pipar,
salt og 1 msk olía sett í matvinnsluvél eða blandara og saxað smátt
(auðvitað má líka nota hníf) og síðan hellt yfir hakkið og blandað vel saman
með höndunum. Brauðið sett í matvinnsluvélina og hún látin ganga þar til það
er orðið að mylsnu og henni er síðan blandað saman við hakkið og hnoðað
dálítið. Grillið hitað. Hakkinu skipt í 10-12 álíka stóra hluta og hver og
einn mótaður í pylsu, svolítið sverari en vínarpylsu. Teini stungið í gegnum
hverja þeirra eftir endilöngu. Penslað með svolítilli olíu, sett á grillið
og grillað við nokkuð háan hita í um 10 mínútur; snúið nokkrum sinnum. Borið
fram t.d. með salati, brauði (gjarna grilluðu) og einhverri góðri sósu,
e.t.v. mintusósunni sem uppskrift er að hér á eftir.