Grískar kjötbollur

5 brauðsneiðar
mjólk
2 laukar
2 hvítlauksgeirar
800 g kjöthakk, t.d. blanda af nauta- og svínahakki
1 sítróna (aðeins börkurinn notaður)
1 tsk oregano
1/2 tsk þurrkuð minta (má sleppa, eða nota timjan í staðinn)
nýmalaður pipar
salt
2 egg
hveiti
olía til steikingar

Brauðið bleytt í mjólk og síðan tekið upp og mestöll vætan kreist úr því.
Laukurinn skorinn í bita og settur í matvinnsluvél ásamt hvítlauknum. Vélin
látin ganga þar til laukurinn er nokkuð fínsaxaður en ekki kominn í mauk.
Brauðinu bætt út í og vélin látin ganga aðeins lengur. Þetta er svo sett í
skál ásamt hakkinu, börkurinn af sítrónunni rifinn yfir og kryddjurtum,
pipar og salti blandað saman við ásamt eggjunum (langbest að gera þetta með
höndunum). Gott er að geyma farsið í kæli í um 1 klst en það er ekki
nauðsynlegt. Litlar, kringlóttar bollur mótaðar úr farsinu, þeim velt upp úr
hveiti og síðan er olía hituð á pönnu og bollurnar steiktar við meðalhita
þar til þær eru brúnar á öllum hliðum og rétt steiktar í gegn.