Fyllt lambalæri
fyrir 8

2 kg lambalæri, úrbeinað
salt og pipar
þurrkað tímían á hnífsoddi eða ferskt mulið
225 g ferskir sveppir, saxaðir
150 g smjör
2 stórir laukar, saxaðir
2 msk hveiti
2 msk rjómi
200 g rjómaostur
1/2 bolli brauðmylsna

Stráið kryddinu yfir kjötið. Látið lauk og sveppi krauma í hluta af smjörinu þar til þeir verða meyrir. Setjið í blandara ásamt hveiti, rjóma og rjómaosti í nokkrar mín. og síðan í pott og látið suðuna koma upp. Hrærið í allan tímann. Takið pottinn af hellunni og hrærið í allan tímann. Takið pottinn af hellunni og hrærið brauðmynslunni saman við. Smakkið og bætið við kryddi ef þörf er á. Smyrjið fyllingunni á kjötið, rúllið því upp og vefjið um það bómullargarni. Stráið kryddi yfir alla rúlluna. Hitið grillið á hámarkshita og lækkið síðan á miðlungshita. Fjarlægið grillgrindina og setjið grillbakka beint ofan á glóðina. Stingið grillteininum í gegnum kjötvafninginn og tryggið að kjötið sé vel fest. Látið snúast yfir glóðinni í um 2 klst. Penslið með smjöri af og til á meðan og gætið þess að bakkinn sé undir kjötinu. Einnig má grilla kjötið á grillbakka ofan á grindinni í um 1 klst. Slökkvið á grillinu og látið bíða í 20-30 mín. Berið kjötið fram með bökuðum kartöflum og fersku salati. Steikingartíminn er alltaf svolítið breytilegur eftir smekk hvers og eins. Berið afgangsfyllingu fram með kjötinu eða notið í sósu til að bera fram með.