Ekta amerískur kalkúnn

Byrjið á að undirbúa fuglinn kvöldið áður með því að leggja hann í kryddlög. (mæli með að leggja hann í saltpækil)

Kalkúnn:

Best er að elda kalkúninn við 200°C fyrstu 15 mínúturnar. Síðan er hitinn lækkaður í 225°C og kalkúnninn bakaður í þrjá tíma. Það fer eftir  stærð fuglsins hve lengi þarf að elda hann og það er nauðsynlegt að nota kjarnhitamæli. Honum er stungið í þykkasta hluta fuglsins án þess að koma við bein, og þegar mælirinn sýnir 78°C er kalkúnninn tilbúinn. Það getur verið gott að setja viskastykki bleytt í smjöri yfir fuglinn og ausa reglulega yfir það á 30 mínútna fresti. Viskastykkið er síðan fjarlægt síðustu 15 mínúturnar og hitinn lækkaður í 180°C til að fá fallegan gljáa. Best er að leyfa kalkúninum að standa í 15 mínútur áður en hann er skorinn.

Portobello pekan fylling

Blandað brauð: maísbrau, franskbrauð og heilhveitibrauð, um það bil hálf af hverri tegund, saxað í bita og léttristað við 200°C þannig að úr verði 6 bollar af brauðmollum.

2 saxaðir laukar
4 saxaðir sellerístilkar

6 meðalstórir portobello sveppir
100 g pekanhnetur gróft saxaðar
150 g smjör
2 egg
2 bollar heitt, bragðmikið kalkúnasoð (kraftur)
1 msk salvía
salt og pipar

Smjörsteikið grænmetið og kryddið. Eggin eru þeytt og þeim blandað saman við brauðið ásamt hnetum. Soðinu er bætt við í lokin og fuglinn fylltur að tveimur þriðju. Ef fyllingin er bökuð sér er hún sett í smurt eldfast mót og bökkuð í 35 mínútur við 170°C.

Búrbon-karmellu sætar kartöflur

1 kg langar sætar kartöflur
1 bolli púðursykur
100 g smjör
90 cl búrbon (Má skipta út með berki og safa af 1 appelsínu)

Kartöflurnar eru skrældar og skornar í langa báta, snöggsoðnar í ca 5-10 mínútur eða þar til þær verða mjúkar. Þá eru þær kældar. Bræðið púðursykur og smjör saman, gott er að setja smá soð af kartöflunum út í. Látið krauma þar til það verður að þykkni, þá er búrboninu bætt út í. Kartöflurnar eru hjúpaðar karamellunni og bakaðar í ca 60 mínútur við 170°C og gott er að ausa yfir þær nokkrum sinnum.

Ofnbökuð peru- og eplasósa

3 perur
3 græn epli
1 sítróna, börkur og safi
1 appelsína, börkur og safi
1 tsk kanill, gaman að nota kanilstangir til skrauts
½ tsk allrahanda
50 g smjör
100 g púðursykur

Ávextirnir eru skrældir, kjarnhreinsaðir og skornir gróft í bita langsum eða eftir smekk, sett í eldfast form.
Smjöri og púðursykri hrært saman og restinni bætt út í. Síðan er ávöxtunum velt upp úr kryddleginum.
Bakað við 160°C í 1 klukkustund, hægt er að hafa sósuna grófa eða fína, þá er hún elduð 20 mínútum lengur og hrært vel.
Þetta er gott meðlæti með kalkún og hentar einnig vel með villibráð.