Dönsk villidúfa

Dúfan

Takið vel snyrtar og fallegar dúfubringur og steikið létt á pönnu með smá olíu, smjöri og rósmaríngrein. Setjið bringurnar í eldfast mót ásamt öllu úr pönnunni og látið krauma í ofninum við um það bil 45 – 50 gráður uns þær eru meyrar og fínar. Skerið í fallegar sneiðar. Salt og pipar.

Kartaflan

Er skorin í hæfilega stærð og elduð í miklu smjöri á pönnu ásamt hvítlauk og timian uns meyr. Salt og pipar.

Laukurinn

Bakið perlulauk í ofni uns hann er næstum meyr. Takið út, kælið og skrælið! Sjóðið upp á 50/50 blöndu af sykri og úrvals eplaediki með einni grein af rósmaríni út í og hellið yfir skrældu laukana. Þetta þarf að fá að standa í minnst 2 tíma. Rétt fyrir framreiðslu eru laukarnir svo hitaðir í potti með smjöri. Svo má bæta á þá ögn af söxuðum jurtum og smá salti.

Grænmetið

Sellerírótin er skorin niður í fallega skífu og elduð á pönnu í smjöri við vægan hita uns meyr og smökkuð til með smá pipar og salti. Afskurðurinn er soðinn í kjúklingasoði, mjólk og rjóma uns meyr og þá sigtað. Rótin er múluð og smökkuð til. Gott væri líka að steikja góða sveppi og bera fram með dúfunni.

Sósan

Höggvið niður beinin í sósuna. Brúnið þau í örlítilli olíu ásamt öðrum kjötafskurði í víðbotna potti. Þegar beinin eru byrjuð að taka lit, bætið þá skorinni gulrót, selleríi og lauk við. Brúnið áfram. Hellið vatni saman við og kryddið til með ögn af einiberjum, lárviðarlaufi. Látið suðuna koma upp hægt og rólega og sjóðið niður um helming. Fleytið allan sora af soðinu, jafnóðum og hann flýtur upp. Sigtið soðið í annan pott og látið suðuna koma upp að nýju. Þykkið soðið ef þurfa þykir. Smakkið sósuna til með kjötkrafti ef þess þarf. Auðvitað má svo