Beikonvafinn lambavöðvi með hvítlaukskartöflum og sinnepseggjasósu
Skemmtilegur og ljúffengur réttur frá kokkalandsliðinu.

800 g  lambakjöt
10 stk beikonsneiðar, eða eins og þarf til að hylja kjötið

salt og pipar
Kartöflur
2½ dl rjómi
1 msk smjör
8 stk  bökunarkartöflur
1 tsk  hvítlauksmauk
steinselja
salt og pipar
Sósa
300 g  brætt smjör
1 msk edik (helst sherry edik)
1 msk Dijon sinnep
2 stk eggjarauður
smá vatn til að þynna
smá brot af lambakraftteningi
smakkað til með salti og pipar



Matreiðsla
Sina- og fituhreinsið kjötið og vefjið beikoni vel utan um það. Brúnið á heitri pönnu í olíu, saltið og piprið eftir smekk. Setjið í 180ºC heitan ofn og eldið þar til kjarnhiti er orðinn 60ºC. Látið þá kjötið standa í ca. 10 mín. áður en það er skorið.

Kartöflur
Bakið kartöflurnar þar til þær eru orðnar mjúkar (40-60 mín v. 200ºC). Takið innan úr þeim og setjið í pott ásamt rjóma, smjöri, hvítlauksmauki, salti og pipar og steinselju, hrærið allt saman yfir hita.

Sósa
Pískið eggjarauðurnar, sinnepið, edikið og lambakraftinn í skál og hellið heitu smjörinu í mjórri bunu úti eggjahræruna. Þeytið stöðugt í á meðan. Smakkið sósuna til með salti og pipar og þynnið með vatni ef þarf.