Piparrótargrafinn lax

1 laxaflak, ca 800 gr
80 gr sykur
100 gr salt í flögum (ekki fínmalað)
1 appelsína í sneiðum
ca 10 cm piparrót, fínt rifin
lítið búnt ferskur kerfill
1/2 msk piparblanda, möluð yfir

Meðlæti
1 poki veislusalat

Sósa
1 msk dijon sinnep
2 msk límónusafi
3 msk ólifuolía
3 msk hnetuolía
1 msk  graslaukur, smátt saxaður
1 msk kerfill, smátt saxaður

Hreinsið hreistrið af laxinum og beinhreinsið ef þarf. stráið sykri og salti yfir fiskflakið. Rífið piparrótina niður og skerið appelsínu í þunnar sneiðar. Setjið appelsínuna, kerfilinn, piparrótina og piparblöndu í eldfast mót og leggið flakið ofan á þannig að fiskurinn snúi niður að appelsínunum og roðið upp. Setjið í kæli og látið standa í að minnsta kosti einn sólahring. Þerrið fiskinn og skerið í þunnar sneiðar. Setjið smávegis af satil á hvern disk og laxasneiðar þar yfir. Setjið sinnepið í skál og þeytið límónusafann, olíuna og kryddið út í, Látið dressinguna drjúpa yfir laxinn og skreytið ef til vill með balsamikediki. Þennan rétt má bera fram með brauði en það er alls ekki nauðsynlegt. Þetta er mildur og einfaldur forréttur og með honum er gott að ber fram örlítið sætt hvítvín.