Marineraður skarkoli

6 flök skarkoli með roði (ca. 1500-1800 gr)
1 púrrulaukur
2 paprikur
1 ltr hindberjasaft
1-2 dl epla- eða hvítvínsedik
1/2 dl sítrónusafi
1 tsk salt
1/2 glas blönduð piparkorn (t.d. fimmpiparblanda)

Saft, ediki, sítrónusafa ásamt kryddi er blandað saman í skál eða ílát sem hægt er að loka. Púrrulaukur er skorinn, en blöðin ekki notuð, skerið laukinn í þunnar sneiðar, sem og paprikuna og setjið út í.
Skarkolaflökin eru skorin í tvennt eftir endilöngu flakinu og rafbönd og bein hreinsuð af, því næst er fisknum flett af roðinu líkt of verið sé að sneiða reyktan lax. Þetta er sett í blönduna, hrært í og lokað. Geymt í ísskáp í hálfan til einn sólarhring fyrir átu og hrært í af og til. Einnig má nota sólberja- eða bláberjasaft í þessa uppskrift.

Sósa
3-4 dl majónes
1 dl sætt sinnep
1-2 tsk hunang
safi af niðursoðnum ananas

Öllu hrært saman of safi notaður eftir smekk

Þessi réttur er borin fram með rúgbrauði eða ristabrauði, fallegt er að hafa fiskinn í glærri krukku, lýtur út eins og síld.