Heitreykt gæs með apríkósu (Fyrir 10 manns)

heitreykt gæs

5 gæsabringur

pipar, nýmalaður

salt

Notið kolagrill með loki eða sérstakt reykgrill. Kveikið upp í grillinu og látið loga þar til mesti hitinn er rokinn úr kolunum. Þerrið gæsina vel og kryddið með pipar og salti. Stráið yfir kolin þremur til fjórum matskeiðum af hikkoríspónum, sem hafa verið látnir liggja í bleyti í um 30 mínútur, setjið gæsina á grindina og lokið grillinu. Látið standa í um það bil 15 mínútur. Takið gæsina af grillinu og látið kólna. Berið fram kalda eða volga.

APRÍKÓSUSULTA

250 g apríkósur saxaðar

120 g sykur

1 dl vatn

1/8 chillí saxað

Saxið apríkósurnar og setjið í pott ásamt vatni og sykri. Látið malla við hægan hita þar til apríkósurnar eru meyrar og vatnið gufað upp að mestu. Stappið þær þá eða setjið í matvinnsluvél og maukið. Setjið chillí út í. Kælt.