Villibráðar terrine

Grunndeig
1 kg villibráðarhakkefni td. fuglalæri, hreindýraframpartur eða afskurður
300 gr grísahakk
400 gr grísalifur
600 gr grísaspekk
2 egg
5 fransbrauðsneiðar
1 dl mjólk
1 dl koníak
2 dl púrtvín
3 tsk salt (20 gr á hvert kíló hráefnis)
grunnkryddblanda:
1 tsk múskat, mulið
1 tsk kanill, mulinn
1 tsk negull, mulinn
1 tsk einiber, mulin
1 tsk korianderfræ, mulin
1 tsk lárviðarlauf, mulin
1 tsk rósapipar, mulinn
1 tsk svartur pipar, mulinn
1 tsk tímian, mulið
1 tsk rósmarín, mulið

Hakkið saman villibráð, hakk, lifur og spekk tvisvar sinnum. Maukið vel saman egg, brauð og mjólk í matvinnsluvél. Blandið öllu saman í skál, ásamt kryddinu. Setjið í viðeigandi form, álpappír yfir og bakið í vatnsbaði við 90°C þar til að kjöthitamælir sýnir 67°C. Gott er að bæta í patéið villisveppum, grænum pipar, skinku, furuhnetum og/eða pístasíum.