Smjördeigsvöfflur með reyktum laxi, lárperu og kavíar

fyrir 6

1 pk. frosið smjördeig

250 g reyktur lax

1 þroskuð lárpera

3 msk. sýrður rjómi

1 lítil krukka svartur kavíar

svartur pipar

Aðferð: Fletjið smjördeigið út á meðan það er enn vel kalt, í 5 mm þykka köku, helst þannig að deigið passi í vöfflujárnið. Hitið vöfflujárnið vel, leggið deigið í járnið, þrýstið lokinu yfir og bakið stökkar kökur úr deiginu. Skerið kökurnar í bita og kælið á rist. Skerið laxinn í þunnar sneiðar. Flysjið lárperuna, fjarlægið steininn og skerið lárperuna í bita eða sneiðar. Setjið sýrðan rjóma fyrst á hverja vöfflu, leggið sneið af reyktum laxi yfir og síðan lárperusneið. Skreytið með kavíar og kryddið með svörtum pipar.